सपना रोइकन दैब ओछयान भरी आसु
दुबइ मा खरानी भयो हाडछाला र मासु
जा जा भैसी अल्का लेक चर भैसी सालिमा
राती आसु सिरानीमा दिन आसु गालिमा
जेठबैसाख खरी धुप ओइलाई बाठा काग
कठै दैब किन दिये दुबइ आउन्या भाग
पाप गर्ने सजाय पाउथ्यो धर्म गर्ने सति
युवा जती दुबइ कतार नेताका कुमति
अपी नाम्पा पहाड मेरो दार्चुला जिल्ला कन
नेता भई राजधानी जान्या मेरै जसा मन
रातादिन हवाइ जहाज उड्दा दुबइ आकाशैमा
बाँच्या त गारुला दर्शन मरया बाकसैमा
No comments:
Post a Comment